Dolzarb 90 kun doirasida korrupsiyaga qarshi kurash mavzusida davra suhbati o‘tkazildi

Dolzarb 90 kun doirasida korrupsiyaga qarshi kurashish, jamiyatda halollik va qonuniylik tamoyillarini mustahkamlash maqsadida davra suhbati tashkil etildi.
Tadbir davomida ishtirokchilarga korrupsiyaning salbiy oqibatlari, uning jamiyat taraqqiyotiga to‘sqinlik qiluvchi omillari hamda korrupsiyaga qarshi kurashish bo‘yicha amalga oshirilayotgan chora-tadbirlar haqida ma’lumotlar berildi.
Davra suhbatida korrupsiyaga qarshi kurashishda har bir fuqaroning mas’uliyati, halollik, vijdonlilik va shaffoflik tamoyillariga rioya qilish muhimligi ta’kidlandi. Shuningdek, ishtirokchilar o‘z fikr va takliflari bilan faol qatnashdilar.
Tadbir yakunida korrupsiyaga qarshi murosasiz munosabatni shakllantirish, qonunlarga hurmat ruhida yashash hamda jamiyatda halollik muhitini yaratish bo‘yicha tegishli xulosalar qilindi.