Yangi O'zbekiston yoshlari-2030

Tuproqqal’a tuman SEO va JS bo‘limida xodimlar o‘rtasida sog‘lom turmush tarzini keng targ‘ib qilish, jismoniy va intellektual faollikni oshirish hamda jamoada o‘zaro ahillik va hamjihatlik muhitini mustahkamlash maqsadida Tuproqqal’a tuman Sanitariya-epidemiologik osoyishtalik va jamoat salomatligi bo‘limi xodimlari ishtirokida shaxmat va shashka bo‘yicha o‘yinlar o‘tkazildi.
Bo‘limning barcha yoshdagi faol xodimlari va mutaxassislari ishtirok etib, o‘zlarining strategik fikrlash, diqqatni jamlash hamda intellektual salohiyat ko‘nikmalarini namoyon etdilar. O‘yin davomida ishtirokchilar o‘rtasida qiziqarli, do‘stona va murosasiz bahslar kechdi.
Ushbu sport bahslari xodimlarning ishdan tashqari bo‘sh vaqtlarini mazmunli tashkil etish, ularni sport turlariga keng jalb qilish va sog‘lom turmush tarziga bo‘lgan qiziqishini yanada oshirishga xizmat qildi.